Theodorus - GEUR

50 ml · 30–35% geurolie · Handgemaak in Pretoria

Geurprofiel: Vars sitrus, waterig en aromaties houtagtig

Uitstaande note: Sisiliese mandaryn, waterige note, neroli, olibanum en Indonesiese patchouli

Ontmoet Theodorus

Theodorus is die staatmaker van die geurwêreld—die een wat die ys onthou, nog hout op die vuur gooi en seker maak niemand se glas staan leeg nie. Hy bring ’n helder uitbarsting van Sisiliese mandaryn saam met hom, vars en energiek soos die eerste rondte van ’n lang somermiddag.

Waterige note en neroli gee sy geur ’n skoon, byna minerale varsheid. Wanneer die son sak en die vuur warmer brand, kom olibanum met sy sagte wierookkarakter deur, gevolg deur aardse Indonesiese patchouli wat alles stewig grond.

Theodorus is nie die vriend wat groot beloftes maak nie; hy is die een wat reeds daar is wanneer jy hom nodig kry. Vars, warm en betroubaar—die soort man wat ’n gewone kuier sonder enige moeite in ’n goeie herinnering verander.

Is Theodorus jou GEUR?

Doen die GEUR-vraelys vir jou beste passings, of toets eers met ’n ontdekkingsstel.